«Bavariya» darvozaboni Manuel Noyer Chempionlar ligasi yarim finali doirasida «PSJ»ga qarshi kechgan ilk o‘yinda (4:5) o‘z darvozasidan beshta to‘p olib chiqqanidan so‘ng o‘z fikrlarini bildirdi.

Germaniyalik golkiper ushbu bahsda o‘z darvoza sohasiga yo‘llangan birorta zarbani qaytara olmadi.

«Albatta, 5 ta gol o‘tkazib yuborish — har qanday himoya va har qanday darvozabon uchun yoqimsiz holat. Siz bu gollarni ko‘rdingiz. Zarbalarni qaytarish juda qiyin edi. Ikkita vaziyatda to‘pga juda yaqin kelgandim — qaytarishim yoki hatto qo‘lim bilan tegishim ham mumkin edi.

Shunga qaramay, biz xarakter ko‘rsatdik va ikkita gol farqini yo‘qqa chiqardik. Hatto hisobni 5:5 qilishimiz ham mumkin edi. Keyingi haftada o‘z uyimizda o‘ynashimizni va hammasi o‘z qo‘limizda ekanligini bilamiz. Hali hech narsa yo‘qotilgani yo‘q, hamma narsaning iloji bor», — dedi Manuel Noyer.