Hujumchi Harri Keyn Chempionlar ligasida «PSJ»dan qabul qilingan 4:5 hisobidagi mag‘lubiyatdan so‘ng jamoaning barcha futbolchilarini, jumladan, himoyachilarni ham maqtadi. Angliya terma jamoasining sobiq hujumchisi Ueyn Runi Keynning bu gaplariga o‘z munosabatini bildirdi.
«Menga Harri Keyn yoqadi, lekin u o‘z himoyachilarini hech qanaqasiga maqtay olmaydi. Ehtimol, u jamoadoshlari bo‘lgani uchun va kelasi hafta oldidan ularga ishonch bag‘ishlash maqsadida shunday qilayotgandir. Ammo, rostgo‘y bo‘lib gapiradigan bo‘lsak, ushbu uchrashuvda har ikki jamoaning himoyasi ham haqiqatan ham zaif edi», — dedi Runi Amazon Prime efirida.
«Bavariya» kelasi chorshanba, 6 may kuni Chempionlar ligasi yarim finalining javob uchrashuvida «PSJ»ni qabul qiladi.
