Ҳужумчи Ҳарри Кейн Чемпионлар лигасида «ПСЖ»дан қабул қилинган 4:5 ҳисобидаги мағлубиятдан сўнг жамоанинг барча футболчиларини, жумладан, ҳимоячиларни ҳам мақтади. Англия терма жамоасининг собиқ ҳужумчиси Уэйн Руни Кейннинг бу гапларига ўз муносабатини билдирди.

«Менга Ҳарри Кейн ёқади, лекин у ўз ҳимоячиларини ҳеч қанақасига мақтай олмайди. Эҳтимол, у жамоадошлари бўлгани учун ва келаси ҳафта олдидан уларга ишонч бағишлаш мақсадида шундай қилаётгандир. Аммо, ростгўй бўлиб гапирадиган бўлсак, ушбу учрашувда ҳар икки жамоанинг ҳимояси ҳам ҳақиқатан ҳам заиф эди», — деди Руни Amazon Prime эфирида.

«Бавария» келаси чоршанба, 6 май куни Чемпионлар лигаси ярим финалининг жавоб учрашувида «ПСЖ»ни қабул қилади.