Hozirgi vaqtga kelib, Ispaniya chempionatining joriy mavsumida 330 ta o‘yin o‘tkazildi va ulardan faqat o‘n to‘rttasi golsiz durang bilan yakunlandi. Bu foiz nisbatida 4,24 foizni tashkil etadi.

Ispaniya chempionatida golsiz duranglarning bu qadar past ko‘rsatkichi deyarli yetmish yildan beri — 1957/1958 yilgi mavsumdan buyon kuzatilmagan edi. Ispaniya birinchiligining o‘tgan 33-turida yagona durang «Espanyol» va «Levante» jamoalari o‘rtasidagi bahsda qayd etildi.

Eslatib o‘tamiz, Ispaniya chempionati turnir jadvalida «Barselona» peshqadamlik qilmoqda — ushbu mavsumda kataloniyaliklar ishtirokidagi birorta o‘yinda 0:0 hisobi qayd etilmadi. «Real» esa, «Barselona»dan farqli o‘laroq, 12-turda «Rayo Valyekano» bilan bahsda golsiz durangga imzo chekkan edi.