Madridning «Atletiko» klubi yarimhimoyachisi Koke Chempionlar ligasi yarim finali doirasida londonliklarga qarshi kechgan ilk uchrashuv (1:1) yakunlari haqida gapirdi.
«Biz qo‘limizdan kelgan barcha ishni qildik. O‘yinni biroz ishonchsiz boshlagan bo‘lsak-da, yakunda g‘alaba qozonishimiz ham mumkin edi. Endi hammasi ikkinchi bahsda hal qilinadi.
«Arsenal» mudofaada juda tartibli o‘yin ko‘rsatadi, hujum chizig‘ida esa tezkor futbolchilari bor. Afsuski, biz yaratilgan vaziyatlardan unumli foydalana olmadik va ishni oxirigacha yetkaza olmadik», — deya Kokening so‘zlarini keltirmoqda UEFA rasmiy sayti.
