Londonning «Arsenal» klubi yarimhimoyachisi Deklan Rays Chempionlar ligasi 1/2 finali doirasidagi «Atletiko»ga qarshi o‘yinda (1:1) belgilanmagan ikkinchi penalti haqida keskin fikr bildirdi.
Uchrashuvning 78-daqiqasida «kanonirlar» a’zosi Eberechi Eze va madridliklar himoyachisi David Gansko o‘rtasidagi to‘qnashuvdan so‘ng, bosh hakam Danni Makkeli dastlab «Atletiko» darvozasiga penalti belgilagan edi. Biroq videotakrorlarni ko‘rgach, referi o‘z qarorini bekor qildi.
«Menimcha, «Atletiko» muxlislari hakamga ta’sir o‘tkazishdi va uni qarorini o‘zgartirishga majbur qilishdi. Bu yaqqol penalti edi va nima uchun u belgilanmaganini haligacha tushunmayapman», — deya Raysning so‘zlarini keltirmoqda Stan Sport.
Eslatib o‘tamiz, ushbu bahs durang bilan yakunlandi va finalchi nomi 5 may kuni Londonda bo‘lib o‘tadigan javob uchrashuvida ma’lum bo‘ladi.
