Лондоннинг «Арсенал» клуби яримҳимоячиси Деклан Райс Чемпионлар лигаси 1/2 финали доирасидаги «Атлетико»га қарши ўйинда (1:1) белгиланмаган иккинчи пенальти ҳақида кескин фикр билдирди.
Учрашувнинг 78-дақиқасида «канонирлар» аъзоси Эберечи Эзе ва мадридликлар ҳимоячиси Давид Ганцко ўртасидаги тўқнашувдан сўнг, бош ҳакам Данни Маккели дастлаб «Атлетико» дарвозасига пенальти белгилаган эди. Бироқ видеотакрорларни кўргач, рефери ўз қарорини бекор қилди.
«Менимча, «Атлетико» мухлислари ҳакамга таъсир ўтказишди ва уни қарорини ўзгартиришга мажбур қилишди. Бу яққол пенальти эди ва нима учун у белгиланмаганини ҳалигача тушунмаяпман», — дея Райснинг сўзларини келтирмоқда Stan Sport.
Эслатиб ўтамиз, ушбу баҳс дуранг билан якунланди ва финалчи номи 5 май куни Лондонда бўлиб ўтадиган жавоб учрашувида маълум бўлади.
