Madridning «Atletiko» klubi hujumchisi Xulian Alvares Chempionlar ligasi yarim finali doirasida «Arsenal»ga qarshi kechgan dastlabki bahsda (1:1) jamoa rekordini o‘rnatdi.
26 yoshli argentinalik futbolchi uchrashuvning ikkinchi bo‘limida penaltini aniq amalga oshirib, hisobni tenglashtirdi. Bu gol Alvares uchun joriy mavsumdagi Yevropa Chempionlar ligasidagi 10-gol bo‘ldi. Shu tariqa, u «Atletiko» tarixida nufuzli yevrokubokning bir mavsumida 10 ta gol urishga muvaffaq bo‘lgan ilk futbolchi sifatida tarixga kirdi.
Ma’lumot o‘rnida, joriy mavsum YECHL to‘purarlar poygasida Madridning boshqa bir klubi — «Real» hujumchisi Kilian Mbappe peshqadamlik qilmoqda. Fransiyalik yulduz hisobida 15 ta gol mavjud.
