Мадриднинг «Атлетико» клуби ҳужумчиси Хулиан Альварес Чемпионлар лигаси ярим финали доирасида «Арсенал»га қарши кечган дастлабки баҳсда (1:1) жамоа рекордини ўрнатди.
26 ёшли аргентиналик футболчи учрашувнинг иккинчи бўлимида пенальтини аниқ амалга ошириб, ҳисобни тенглаштирди. Бу гол Альварес учун жорий мавсумдаги Европа Чемпионлар лигасидаги 10-гол бўлди. Шу тариқа, у «Атлетико» тарихида нуфузли еврокубокнинг бир мавсумида 10 та гол уришга муваффақ бўлган илк футболчи сифатида тарихга кирди.
Маълумот ўрнида, жорий мавсум ЕЧЛ тўпурарлар пойгасида Мадриднинг бошқа бир клуби — «Реал» ҳужумчиси Килиан Мбаппе пешқадамлик қилмоқда. Франциялик юлдуз ҳисобида 15 та гол мавжуд.
