Luchano Spalletti "Yuventus" hujum chizig‘ida Dushan Vlaxovich va Randal Kolo-Muani juftligini ko‘rishni istamoqda.

Tuttosport nashrining xabariga ko‘ra, fransiyalik hujumchining Turin klubiga o‘tish imkoniyati mavjud va bu transfer 30 million yevroga tushishi mumkin.

Shuningdek, "PSJ" turinliklardan Gonsalu Ramushga qiziqish bor-yo‘qligini so‘ragan. Biroq "Yuventus" bu taklifga "sovuqqonlik" bilan javob qaytardi — klub Ramushdan ko‘ra Kolo-Muanini afzal ko‘rmoqda.

Randal o‘tgan mavsumning ikkinchi yarmida "byankoneri" safida ijara asosida to‘p surgan va A Seriyaning 16 ta o‘yinida 8 ta gol urishga muvaffaq bo‘lgan edi. Hozirda u "Tottenxem" sharafini himoya qilmoqda (APL doirasidagi 26 ta o‘yinda 1 ta gol).