«Bavariya» vingeri Serj Gnabri Angliya Premyer-ligasiga qaytishi mumkin. Ekrem Konurning bergan ma’lumotlariga ko‘ra, «Arsenal» shu yozda futbolchini o‘z safiga qo‘shib olishga qiziqish bildirmoqda.
Germaniyalik futbolchining huquqlari 2011 yildan 2016 yilgacha London klubiga tegishli bo‘lgan, biroq ushbu davr mobaynida u «to‘pchilar» safida bor-yo‘g‘i 18 ta o‘yin o‘tkazib, bitta gol va bitta golli uzatmaga mualliflik qilgan.
Serj Gnabri 2017 yilda «Verder»dan «Bavariya»ga 8 million yevro evaziga o‘tgan edi. Uning amaldagi shartnomasi 2028 yilning 30 iyuniga qadar mo‘ljallangan. Joriy mavsumda vinger Myunxen klubi safida barcha turnirlarda 37 ta o‘yinda ishtirok etib, 10 ta gol urdi va 11 ta natijali uzatmani amalga oshirdi.
