«Бавария» вингери Серж Гнабри Англия Премьер-лигасига қайтиши мумкин. Экрем Конурнинг берган маълумотларига кўра, «Арсенал» шу ёзда футболчини ўз сафига қўшиб олишга қизиқиш билдирмоқда.
Германиялик футболчининг ҳуқуқлари 2011 йилдан 2016 йилгача Лондон клубига тегишли бўлган, бироқ ушбу давр мобайнида у «тўпчилар» сафида бор-йўғи 18 та ўйин ўтказиб, битта гол ва битта голли узатмага муаллифлик қилган.
Серж Гнабри 2017 йилда «Вердер»дан «Бавария»га 8 миллион евро эвазига ўтган эди. Унинг амалдаги шартномаси 2028 йилнинг 30 июнига қадар мўлжалланган. Жорий мавсумда вингер Мюнхен клуби сафида барча турнирларда 37 та ўйинда иштирок этиб, 10 та гол урди ва 11 та натижали узатмани амалга оширди.
