«Yuventus», «Napoli» va «Milan» klublarining sobiq hujumchisi Paolo Di Kanio Chempionlar ligasi yarim finali doirasidagi «PSJ» va «Bavariya» (5:4) o‘rtasidagi birinchi o‘yin haqida o‘z fikrlarini bildirdi.
«PSJ» – «Bavariya» uchrashuvi Godzilla va King-Kong o‘rtasidagi jangga o‘xshardi. Kuchli, chaqqon mavjudotlar hech qanday hisob-kitobsiz, tinimsiz burilishlar va fintlar bilan kurashishdi.
Himoya yomonmi? Biz shunchaki hasad qilyapmiz. Biz ba’zi futbolchilarni sotib olishga qurbimiz yetmaydi-ku? Agar ular texnik jihatdan kuchli va tezkor bo‘lsa, juda qimmat turishadi. Natijada esa Premyer-ligaga yo‘l olishadi.
«Bavariya» Keyn uchun 100 million yevro to‘ladi. Bu yerda Italiyada esa ba’zilar, barcha hurmatni saqlagan holda, Lukaku va Leauga qoyil qolishadi. Biz esa 38 yoshli Levandovskini kutyapmiz!», — dedi Di Kanio La Repubblica nashriga bergan intervyusida.
