«Ювентус», «Наполи» ва «Милан» клубларининг собиқ ҳужумчиси Паоло Ди Канио Чемпионлар лигаси ярим финали доирасидаги «ПСЖ» ва «Бавария» (5:4) ўртасидаги биринчи ўйин ҳақида ўз фикрларини билдирди.
«ПСЖ» – «Бавария» учрашуви Годзилла ва Кинг-Конг ўртасидаги жангга ўхшарди. Кучли, чаққон мавжудотлар ҳеч қандай ҳисоб-китобсиз, тинимсиз бурилишлар ва финтлар билан курашишди.
Ҳимоя ёмонми? Биз шунчаки ҳасад қиляпмиз. Биз баъзи футболчиларни сотиб олишга қурбимиз етмайди-ку? Агар улар техник жиҳатдан кучли ва тезкор бўлса, жуда қиммат туришади. Натижада эса Премьер-лигага йўл олишади.
«Бавария» Кейн учун 100 миллион евро тўлади. Бу ерда Италияда эса баъзилар, барча ҳурматни сақлаган ҳолда, Лукаку ва Леауга қойил қолишади. Биз эса 38 ёшли Левандовскини кутяпмиз!», — деди Ди Канио La Repubblica нашрига берган интервьюсида.
