«Chelsi»ning sobiq hujumchisi Kris Satton Chempionlar ligasi yarim finali doirasidagi «Atletiko»ga qarshi o‘yinda (1:1) hakamlar «Arsenal»ga nisbatan adolatsizlik qilganini ta’kidladi.
Uchrashuvning 56-daqiqasida bosh hakam Danni Makkeli «to‘pchilar» himoyachisi Ben Uaytning qo‘li bilan o‘ynagani uchun penalti belgiladi. 81-daqiqada esa hakam videotakrorni ko‘rib chiqqach, Madrid klubi jarima maydonchasida David Gansko va Eberechi Eze o‘rtasidagi kontaktdan so‘ng belgilagan 11 metrlik jarima zarbasini bekor qildi.
«Arsenal»ni shunchaki talab ketishdi. Odamlar kim munosibroq ekani haqida bahslashishi mumkin, lekin o‘yinni ko‘rgan har bir kishi «Arsenal» o‘zini qanday ko‘rsatgani, ularga nima yetmagani va nimalarni qila olishmagani haqida gapirishi mumkin...
«Arsenal»da keyingi hafta «Emireyts»dagi o‘yinga juda qulay ustunlik bilan borish imkoniyati bor edi, lekin endi ular katta hajmdagi ishni bajarishlariga to‘g‘ri keladi. Menimcha, bu ularga nisbatan adolatsizlik bo‘ldi, men haqiqatan ham shunday deb hisoblayman. Ular o‘zlariga nisbatan shafqatsiz munosabatda bo‘linganini his qilishmoqda va bundan jabr ko‘rishdi», — dedi Satton.
