AQSH terma jamoasi bosh murabbiyi Maurisio Pochettino Diyego Maradona va Lionel Messini o‘zaro qiyosladi.
«Buni solishtirish men uchun adolatdan emas. Chunki mening Maradona bilan hissiy bog‘liqligim bor. Messi bilan esa hech qachon bunday bo‘lmagan. Yoshlik chog‘imda o‘z kumirim va qahramonimni ko‘rganimda, o‘rtada o‘ziga xos hissiy rishta paydo bo‘lgan. Messi bilan uchrashganimda esa yoshim 50 dan oshgan edi. Bu yoshda inson voqealarga boshqacha nigoh bilan qaraydi. Albatta, men uchun ularning ikkalasi ham tarixdagi eng yaxshi 5 nafar futbolchi qatoriga kiradi. Ularni o‘zaro qiyoslash imkonsiz. Messi qilayotgan ishlar hayratlanarli, xuddi o‘z vaqtida Maradona qilgan ishlar kabi», — dedi Pochettino Garri Nevillning «Stick to Football» podkastida.
Eslatib o‘tamiz, Argentina terma jamoasi Messi bilan 2022 yilda, Maradona bilan esa 1986 yilda jahon chempioni bo‘lgan.
