Yaqinda hujumchi Endrik va uning rafiqasi bo‘lajak farzandlarining jinsini bilib olishdi — ular o‘g‘il kutishmoqda. Endilikda Endrik o‘z o‘g‘lini futbol maydonida ko‘rishni istamasligi haqidagi so‘zlari bilan jamoatchilikni hayratda qoldirdi. Braziliyalik futbolchi o‘g‘li o‘zini boshqa kasbda topishiga umid qilmoqda.

«Futbol — bu yoqimsiz joy. Umid qilamanki, o‘g‘lim shifokor, huquqshunos yoki boshqa biror kasb egasi bo‘ladi», — deya Endrikning so‘zlaridan iqtibos keltirmoqda The Touchline nashri.

Biroq Endrik kelajakda o‘z fikrini o‘zgartirishi ham mumkin, chunki u hali juda yosh — hozirda u 19 yoshda. Endrikning transfer huquqi «Real»ga tegishli bo‘lib, joriy yil boshidan buyon yosh braziliyalik ijara asosida «Lion» safida to‘p surmoqda.