Madridning «Real» klubi darvozabon Andrey Luninning imkoniyatlariga shubha bilan qaray boshladi. Madrid Xtra nashrining Diario AS ga tayanib xabar berishicha, klub rahbariyati posbonning joriy mavsumdagi sport formasidan xavotirda. Ta’kidlanishicha, u Tibo Kurtua jarohat olgan davrda uning o‘rnini bosishda o‘zini eng yaxshi tomonlama ko‘rsata olmagan.
Endilikda Andrey Luninning «Real»dagi kelajagi so‘roq ostida qolmoqda. 27 yoshli darvozabon joriy mavsumda madridliklar safida 11 ta o‘yinda maydonga tushib, o‘z darvozasidan jami 21 ta gol olib chiqdi va biror marta ham o‘yinni «quruq» o‘tkaza olmadi. Futbolchining La Liga grandi bilan amaldagi shartnomasi 2030 yilning o‘rtalariga qadar mo‘ljallangan.
