Мадриднинг «Реал» клуби дарвозабон Андрей Луниннинг имкониятларига шубҳа билан қарай бошлади. Madrid Xtra нашрининг Diario AS га таяниб хабар беришича, клуб раҳбарияти посбоннинг жорий мавсумдаги спорт формасидан хавотирда. Таъкидланишича, у Тибо Куртуа жароҳат олган даврда унинг ўрнини босишда ўзини энг яхши томонлама кўрсата олмаган.
Эндиликда Андрей Луниннинг «Реал»даги келажаги сўроқ остида қолмоқда. 27 ёшли дарвозабон жорий мавсумда мадридликлар сафида 11 та ўйинда майдонга тушиб, ўз дарвозасидан жами 21 та гол олиб чиқди ва бирор марта ҳам ўйинни «қуруқ» ўтказа олмади. Футболчининг Ла Лига гранди билан амалдаги шартномаси 2030 йилнинг ўрталарига қадар мўлжалланган.
