«Arsenal» klubi sobiq himoyachisi Shkodran Mustafi jamoaning joriy mavsumdagi ishtiroki borasida o‘z mulohazalarini bildirdi.
«Mikel Arteta "Arsenal" boshqaruviga kelgan paytda klub achinarli holatda edi. U APLda ketma-ket uch marta ikkinchi o‘rinni egalladi, Chempionlar ligasining yarim finaliga chiqdi va mana hozir yana musobaqaning yarim finalida turibdi. Endi navbatdagi qadamni tashlash vaqti keldi.
Xavfli jihati shundaki, agar ular bu mavsumda birorta sovrin yuta olishmasa, ularni muvaffaqiyatsiz (omadsiz) deb hisoblay boshlashadi va jiddiy qabul qilishmaydi. Bu esa jamoadagi ishonchsizlikni kuchaytiradi. Qaysidir paytda bu chiziqni bosib o‘tish va qadam tashlash kerak bo‘ladi», — dedi Shkodran Mustafi.













