«Byornli» Angliya chempionatining 35-turini muvaffaqiyatsiz boshlab, safarda «Lids»ga imkoniyatni boy berdi (3:1). Bu Mayk Jekson uchun jamoaning vaqtinchalik bosh murabbiyi sifatidagi ilk uchrashuv edi va u o‘yin haqidagi fikrlari bilan o‘rtoqlashdi.
«Biz o‘yinni biroz asabiy boshladik. So‘nggi 24 soat ichida sodir bo‘lgan voqealarni (murabbiy almashinuvini) hisobga olsak, buni tushunish mumkin. Birinchi bo‘lim oxiriga kelib hayajon bosildi, ikkinchi bo‘limni esa juda yaxshi boshladik. Ammo bunday darajada xato qilishga haqqimiz yo‘q, xatolar gol o‘tkazib yuborilishiga olib keladi», — deya Jeksonning so‘zlaridan iqtibos keltirmoqda BBC Sport.
Eslatib o‘tamiz, «Byornli» ushbu o‘yingacha ham Premyer-ligadan tushib ketishi deyarli aniq bo‘lib ulgurgan edi. Murabbiy almashinuvi ham jamoaning quyi ligaga ketishini to‘xtata olmadi.
