«Бёрнли» Англия чемпионатининг 35-турини муваффақиятсиз бошлаб, сафарда «Лидс»га имкониятни бой берди (3:1). Бу Майк Жексон учун жамоанинг вақтинчалик бош мураббийи сифатидаги илк учрашув эди ва у ўйин ҳақидаги фикрлари билан ўртоқлашди.
«Биз ўйинни бироз асабий бошладик. Сўнгги 24 соат ичида содир бўлган воқеаларни (мураббий алмашинувини) ҳисобга олсак, буни тушуниш мумкин. Биринчи бўлим охирига келиб ҳаяжон босилди, иккинчи бўлимни эса жуда яхши бошладик. Аммо бундай даражада хато қилишга ҳаққимиз йўқ, хатолар гол ўтказиб юборилишига олиб келади», — дея Жексоннинг сўзларидан иқтибос келтирмоқда BBC Sport.
Эслатиб ўтамиз, «Бёрнли» ушбу ўйингача ҳам Премьер-лигадан тушиб кетиши деярли аниқ бўлиб улгурган эди. Мураббий алмашинуви ҳам жамоанинг қуйи лигага кетишини тўхтата олмади.
