Londonning «Arsenal» klubi afsonasi Tyerri Anri Angliya Premyer-ligasining joriy mavsumidagi chempionlik poygasi haqida o‘z fikrlari bilan o‘rtoqlashdi. Bugun Mikel Arteta jamoasi o‘z maydonida «Fulxem»ga qarshi bahs olib boradi.
«Arsenal» shunchaki o‘yinlarda g‘alaba qozonishi kerak — kim bilan va qanday o‘ynashning ahamiyati yo‘q. Hozirgi jamoa men o‘ynagan davrdagidan katta farq qiladi, lekin yakunda, agar ligada g‘olib chiqishning uddasidan chiqilsa, birorta ham «Arsenal» muxlisi bundan shikoyat qilmaydi», — deya Anrining so‘zlarini keltirmoqda Arsenal Radar.
Ayni damda «to‘pchilar» 73 ochko bilan turnir jadvalida peshqadamlik qilmoqda. Ulardan keyingi o‘rinda bitta kam o‘yin o‘tkazgan «Manchester Siti» (70 ochko) bormoqda.
