Лондоннинг «Арсенал» клуби афсонаси Тьерри Анри Англия Премьер-лигасининг жорий мавсумидаги чемпионлик пойгаси ҳақида ўз фикрлари билан ўртоқлашди. Бугун Микель Артета жамоаси ўз майдонида «Фулхэм»га қарши баҳс олиб боради.
«Арсенал» шунчаки ўйинларда ғалаба қозониши керак — ким билан ва қандай ўйнашнинг аҳамияти йўқ. Ҳозирги жамоа мен ўйнаган даврдагидан катта фарқ қилади, лекин якунда, агар лигада ғолиб чиқишнинг уддасидан чиқилса, бирорта ҳам «Арсенал» мухлиси бундан шикоят қилмайди», — дея Анрининг сўзларини келтирмоқда Arsenal Radar.
Айни дамда «тўпчилар» 73 очко билан турнир жадвалида пешқадамлик қилмоқда. Улардан кейинги ўринда битта кам ўйин ўтказган «Манчестер Сити» (70 очко) бормоқда.
