«Liverpul» klubi sobiq sardori Stiven Jerrard «Arsenal» yarim himoyachisi Martin Subimendining o‘yinidan hayratda ekanligini bildirdi. Ispaniyalik futbolchi 2024 yilda mersisaydliklarga rad javobini bergan edi, bir yil o‘tib esa «to‘pchilar» safiga qo‘shildi.
«Subimendi «Arsenal»ning juda muhim futbolchisiga aylandi. Uni ancha vaqt «Liverpul» bilan bog‘lashgandi va shuncha gap-so‘zlardan keyin u bizga o‘tmaganidan hafsalam pir bo‘lgan edi. Fantastik futbolchi, juda aqlli», — deya ingliz OAVlari Jerrardning so‘zlarini keltirmoqda.
Martin Subimendining transferi London grandiga 70 million yevroga tushgan. 27 yoshli xavbek Mikel Arteta jamoasi safida joriy mavsumda 51 ta o‘yinda maydonga tushib, o‘z hisobiga 6 ta gol va 3 ta golli uzatma yozdirib qo‘ydi.
