«Ливерпуль» клуби собиқ сардори Стивен Жеррард «Арсенал» ярим ҳимоячиси Мартин Субимендининг ўйинидан ҳайратда эканлигини билдирди. Испаниялик футболчи 2024 йилда мерсисайдликларга рад жавобини берган эди, бир йил ўтиб эса «тўпчилар» сафига қўшилди.
«Субименди «Арсенал»нинг жуда муҳим футболчисига айланди. Уни анча вақт «Ливерпуль» билан боғлашганди ва шунча гап-сўзлардан кейин у бизга ўтмаганидан ҳафсалам пир бўлган эди. Фантастик футболчи, жуда ақлли», — дея инглиз ОАВлари Жеррарднинг сўзларини келтирмоқда.
Мартин Субимендининг трансфери Лондон грандига 70 миллион еврога тушган. 27 ёшли хавбек Микель Артета жамоаси сафида жорий мавсумда 51 та ўйинда майдонга тушиб, ўз ҳисобига 6 та гол ва 3 та голли узатма ёздириб қўйди.
