Chempionshipga tushib ketish xavfi ostida turgan Angliyaning «Tottenxem» klubi Italiyaning «Milan» jamoasi yarim himoyachisi Yussuf Fofanani sotib olishi mumkin. Bu haqda Gazzetta dello Sport nashri xabar bermoqda.

Manbaga ko‘ra, futbolchiga «Aston Villa» ham da’vogarlik qilmoqda. Futbolchining transfer qiymati 25 million yevroga baholanmoqda. Ushbu o‘tishning asosiy sharti — «shporlar» APLda o‘z o‘rnini saqlab qolishlari kerak.

Qayd etilishicha, Fofananing hozirgi statistikasi (ayniqsa uzatmalar bo‘yicha) avvalgi yillardagidan pastroq ko‘rinmoqda. Biroq bu uning maydondagi yangi roli bilan bog‘liq bo‘lishi mumkin.

Futbolchining o‘zi bergan intervyularida tavakkalga asoslangan o‘yinni xush ko‘rishi va shu sababli uni yetarlicha baholashmayotganini sha’ma qilgan. Uning bunday uslubi zamonaviy futbolning «xavfsiz» o‘yin tizimiga doim ham mos kelavermaydi.