Чемпионшипга тушиб кетиш хавфи остида турган Англиянинг «Тоттенхэм» клуби Италиянинг «Милан» жамоаси ярим ҳимоячиси Юссуф Фофанани сотиб олиши мумкин. Бу ҳақда Gazzetta dello Sport нашри хабар бермоқда.
Манбага кўра, футболчига «Астон Вилла» ҳам даъвогарлик қилмоқда. Футболчининг трансфер қиймати 25 миллион еврога баҳоланмоқда. Ушбу ўтишнинг асосий шарти — «шпорлар» АПЛда ўз ўрнини сақлаб қолишлари керак.
Қайд этилишича, Фофананинг ҳозирги статистикаси (айниқса узатмалар бўйича) аввалги йиллардагидан пастроқ кўринмоқда. Бироқ бу унинг майдондаги янги роли билан боғлиқ бўлиши мумкин.
Футболчининг ўзи берган интервьюларида таваккалга асосланган ўйинни хуш кўриши ва шу сабабли уни етарлича баҳолашмаётганини шаъма қилган. Унинг бундай услуби замонавий футболнинг «хавфсиз» ўйин тизимига доим ҳам мос келавермайди.
