Myunxenning «Bavariya» klubi yaqinlashib kelayotgan yozgi transfer oynasida jamoani tark etishi kutilayotgan Leon Goreska o‘rniga munosib nomzod izlamoqda.

Klub rahbariyati bir nechta variantlarni ko‘rib chiqmoqda. Hozirda ijara asosida «Gannover»da o‘ynayotgan 20 yoshli Noel Azeko Nikili, «Gerta»ning 16 yoshli yarim himoyachisi Kennet Ayxxorn.

Biroq, fransiyalik transfer bozori eksperti Abdellah Bulmaning ma’lumotlariga ko‘ra, «Bavariya» «Lill»ning 18 yoshli iqtidori Ayub Buaddiga bo‘lgan qiziqishini qayta tiklagan. Avvalroq ham uning nemis grandi safiga o‘tishi haqida xabarlar tarqalgan edi.

Buaddi uchun kurashda «Bavariya» yolg‘iz emas — futbolchiga «PSJ», «Arsenal» va «Manchester Yunayted» kabi klublar ham da’vogarlik qilmoqda.

Ayub Buaddi joriy mavsumda UNFP talqini bo‘yicha Liga 1ning eng yaxshi yosh futbolchisi mukofotiga nomzod qilib ko‘rsatilgan. U juda yosh bo‘lishiga qaramay, «Lill» asosiy jamoasi safida 93 ta o‘yin o‘tkazishga ulgurdi (ulardan 25 tasi yevrokuboklarda). Shuningdek, u Fransiya yoshlar terma jamoasi sardori hisoblanadi.