«Manchester Yunayted» va Portugaliya terma jamoasi sobiq vingeri Nani «Aktobe» safidagi ilk gollarini urdi.

39 yoshli portugaliyalik futbolchi Qozog‘iston kubogi 1/8 finali doirasida «Elimay»ga qarshi kechgan bahsda dubl qayd etdi va uchrashuvning eng yaxshi futbolchisi deb topildi.

Yevropa chempioni «Aktobe» safiga shu yilning yanvar oyida kelib qo‘shilgan bo‘lib, yil yakuniga qadar mo‘ljallangan shartnomaga imzo chekkan edi. Insayder Ivan Karpovning ma’lumotiga ko‘ra, Nani oyiga 70 ming dollar maosh oladi.

Eslatib o‘tamiz, Nani 2024 yilda professional faoliyatini yakunlagan edi (biroq keyinchalik maydonga qaytishga qaror qilgan).