«Манчестер Юнайтед» ва Португалия терма жамоаси собиқ вингери Нани «Актобе» сафидаги илк голларини урди.
39 ёшли португалиялик футболчи Қозоғистон кубоги 1/8 финали доирасида «Елимай»га қарши кечган баҳсда дубль қайд этди ва учрашувнинг энг яхши футболчиси деб топилди.
Европа чемпиони «Актобе» сафига шу йилнинг январь ойида келиб қўшилган бўлиб, йил якунига қадар мўлжалланган шартномага имзо чеккан эди. Инсайдер Иван Карповнинг маълумотига кўра, Нани ойига 70 минг доллар маош олади.
Эслатиб ўтамиз, Нани 2024 йилда профессионал фаолиятини якунлаган эди (бироқ кейинчалик майдонга қайтишга қарор қилган).
