Diyego Simeone murabbiylik faoliyatidagi 1000-uchrashuvini o‘tkazdi.
Bugun argentinalik mutaxassis boshchiligidagi «Atletiko» La Liganing 34-turida «Valensiya» ustidan 2:0 hisobida g‘alaba qozondi. Ushbu bahs Simeone uchun Madrid klubi bosh murabbiyi sifatidagi 793-o‘yin bo‘ldi.
Shuningdek, u murabbiylik faoliyati davomida «Rasing Avelyaneda»da 34 ta, «Estudiantes»da 60 ta, «River Pleyt»da 45 ta, «San-Lorenso»da 50 ta va «Kataniya» klubida 18 ta o‘yinda jamoalarni boshqargan.
Diyego murabbiy sifatida jami 563 ta g‘alabaga erishgan, 225 marta durang qayd etgan va 212 ta mag‘lubiyatga uchragan. Uning hisobida 10 ta sovrin mavjud.
