Диего Симеоне мураббийлик фаолиятидаги 1000-учрашувини ўтказди.
Бугун аргентиналик мутахассис бошчилигидаги «Атлетико» Ла Лиганинг 34-турида «Валенсия» устидан 2:0 ҳисобида ғалаба қозонди. Ушбу баҳс Симеоне учун Мадрид клуби бош мураббийи сифатидаги 793-ўйин бўлди.
Шунингдек, у мураббийлик фаолияти давомида «Расинг Авельянеда»да 34 та, «Эстудиантес»да 60 та, «Ривер Плейт»да 45 та, «Сан-Лоренсо»да 50 та ва «Катания» клубида 18 та ўйинда жамоаларни бошқарган.
Диего мураббий сифатида жами 563 та ғалабага эришган, 225 марта дуранг қайд этган ва 212 та мағлубиятга учраган. Унинг ҳисобида 10 та соврин мавжуд.
