«Chelsi» himoyachi Trevo Chalobani o‘z tarkibida saqlab qolmoqchi. Insayder Nikolo Skiraning xabariga ko‘ra, London klubi angliyalik futbolchi bilan shartnomani uzaytirish niyatida.

Hozirda tomonlar yangi kelishuv borasida muzokaralar olib borishmoqda, biroq shartnomaning muddati hozircha noma’lum. Trevo Chaloba «Chelsi» akademiyasi tarbiyalanuvchisi hisoblanadi. Uning «ko‘klar» bilan amaldagi shartnomasi 2028 yilning 30 iyuniga qadar mo‘ljallangan.

Joriy mavsumda himoyachi London klubi safida barcha turnirlarda 44 ta o‘yinda maydonga tushib, o‘z hisobiga uchta gol yozdirib qo‘ydi. Transfermarkt portali futbolchining qiymatini 40 million yevroga baholamoqda.