«Челси» ҳимоячи Трево Чалобани ўз таркибида сақлаб қолмоқчи. Инсайдер Николо Скиранинг хабарига кўра, Лондон клуби англиялик футболчи билан шартномани узайтириш ниятида.

Ҳозирда томонлар янги келишув борасида музокаралар олиб боришмоқда, бироқ шартноманинг муддати ҳозирча номаълум. Трево Чалоба «Челси» академияси тарбияланувчиси ҳисобланади. Унинг «кўклар» билан амалдаги шартномаси 2028 йилнинг 30 июнига қадар мўлжалланган.

Жорий мавсумда ҳимоячи Лондон клуби сафида барча турнирларда 44 та ўйинда майдонга тушиб, ўз ҳисобига учта гол ёздириб қўйди. Transfermarkt портали футболчининг қийматини 40 миллион еврога баҳоламоқда.