«Bayer» o‘z maydonida Germaniya Bundesligasining 32-turi doirasida «Leypsig»ni tor-mor etdi — 4:1.

Leverkuzenliklar safida Patrik Shik xet-trik qayd etdi. Chexiyalik hujumchi 25, 76 va 89-daqiqalarda raqib darvozasini ishg‘ol qildi. Yana bir gol 45-daqiqada Natan Tella tomonidan kiritildi. Mehmonlarning yagona javob goli 80-daqiqada Kristof Baumgartner hisobiga yozildi.

Ushbu g‘alabadan so‘ng «Bayer» (58 ochko) Bundesliga turnir jadvalida to‘rtinchi o‘ringa ko‘tarilib oldi. Beshta o‘yindan iborat g‘alabali seriyasini davom ettira olmagan «Leypsig» (62 ochko) esa uchinchi pog‘onada qoldi.

«BAYER» — «RB LEYPSIG» — 4:1

Gollar: Patrik Shik 25 (1:0), Natan Tella 45 (2:0), Patrik Shik 76 (3:0), Kristof Baumgartner 80 (3:1), Patrik Shik 89 (4:1).

«Bayer»: Flekken, Tapsoba, Andrix, Kuansa, Grimaldo, Palasios, Garsiya (Fernandes, 85), Kalbret (Artur, 77), Tella (Poku, 77), Maza (Tillman, 85), Shik (Kofane, 90).

«RB Leypsig»: Vandervordt, Finkgrefe (Xenriks, 84), Bitshiabu (Lyukeba, 46), Orban, Baku, Baumgartner, Zayvald (Uedraogo, 65), Shlager, Nusa (Gruda, 46), Romulo (Xarder, 65), Diomande.

Ogohlantirishlar: Tillman (86) — Finkgrefe (14), Shlager (72), Baumgartner (84).