«Manchester Yunayted» bosh murabbiyi Maykl Kerrik Chempionlar ligasining yarim finali doirasida bo‘lib o‘tgan «PSJ» hamda «Bavariya» (5:4) o‘rtasidagi uchrashuv haqida o‘z fikrlarini bildirib o‘tdi. O‘tgan seshanba kuni Parijda o‘tgan bahsda jamoalar bir-biriga jami to‘qqizta gol urishdi. Javob uchrashuvi 6 may kuni Myunxenda bo‘lib o‘tadi.
«Albatta, biz ham mana shunday Chempionlar ligasi oqshomlarining bir qismi bo‘lishni, turnirning hal qiluvchi bosqichlarigacha yetib borishni istaymiz. Menga ilgari bunday lahzalarni boshdan kechirish nasib etgan. Har doim o‘zingni eng yuqori darajada sinab ko‘rishni xohlaysan. Ha, biz aynan shu maqsad sari intilyapmiz», – deya javob berdi Kerrik Parij mezbonlik qilgan o‘yin haqidagi savolga.
«MYU» Chempionlar ligasiga qaytishni deyarli naqd qilib qo‘ygan. Yakshanba kuni «qizil iblislar» Premyer-liganing 35-turi doirasida o‘z maydonlarida «Liverpul»ni qabul qilishadi.
