«Barselona» bosh murabbiyi Xans-Diter Flik Ispaniya chempionatining 34-turi doirasida 3 may kuni bo‘lib o‘tadigan «Espanyol» — «Real» uchrashuvini tomosha qilmasligini aytdi.

«Men «Real» ishtirokidagi o‘yinni aniq ko‘rmayman. Bu men uchun emas. Agar biror gap bo‘lsa, messenjerdagi guruhimiz orqali menga xabar berishadi!» — deya nemis mutaxassisining so‘zlaridan iqtibos keltirmoqda jurnalist Fabrisio Romano.

«Barselona» 34-turda safarda «Osasuna»ni mag‘lub etdi (2:1). Jamoa 34 ta o‘yindan so‘ng 88 ochko bilan Ispaniya chempionati jadvalida birinchi o‘rinni egallab turibdi va bitta zaxira o‘yiniga ega «Real»dan 14 ochko oldinda.

Jamoalar mavsum davomida jami 38 ta o‘yin o‘tkazishadi. Shu bilan birga, 10 may kuni «Barselona» o‘z maydonida «Real»ni qabul qiladi.