«Milan» bosh murabbiyi Massimiliano Allegri «PSJ» va «Bavariya» o‘rtasidagi shov-shuvga sabab bo‘lgan yarim final uchrashuvi (5:4) haqidagi fikrlari bilan o‘rtoqlashdi.

Jurnalistlar ushbu bahsni «rossonerilar»ning «Yuventus»ga qarshi o‘tkazgan va jamoatchilikning keskin e’tirozlariga sabab bo‘lgan so‘nggi o‘yini (0:0) bilan solishtirishdi.

«Hammasi oddiy: Pro Ligada (Seriya C) to‘p o‘yinda o‘rtacha 20 soniya turadi, B Seriya’da – 40 soniya, A Seriya’da esa – bir yarim daqiqa. «PSJ» – «Bavariya» o‘yinida to‘p o‘yin ichida balki uch daqiqa davomida harakatlangandir. To‘p o‘yinda qancha ko‘p bo‘lsa, futbol ham shuncha ko‘p bo‘ladi», – dedi Allegri bugun bo‘lib o‘tadigan «Sassuolo»ga qarshi bahs oldidan. Ushbu uchrashuv Toshkent vaqti bilan soat 18:00 da boshlanadi.

«Bavariya» va «PSJ» o‘rtasidagi javob uchrashuvi 6 may kuni Myunxenda bo‘lib o‘tadi.