«Милан» бош мураббийи Массимилиано Аллегри «ПСЖ» ва «Бавария» ўртасидаги шов-шувга сабаб бўлган ярим финал учрашуви (5:4) ҳақидаги фикрлари билан ўртоқлашди.
Журналистлар ушбу баҳсни «россонерилар»нинг «Ювентус»га қарши ўтказган ва жамоатчиликнинг кескин эътирозларига сабаб бўлган сўнгги ўйини (0:0) билан солиштиришди.
«Ҳаммаси оддий: Про Лигада (Серия C) тўп ўйинда ўртача 20 сония туради, Б Серия’да – 40 сония, А Серия’да эса – бир ярим дақиқа. «ПСЖ» – «Бавария» ўйинида тўп ўйин ичида балки уч дақиқа давомида ҳаракатлангандир. Тўп ўйинда қанча кўп бўлса, футбол ҳам шунча кўп бўлади», – деди Аллегри бугун бўлиб ўтадиган «Сассуоло»га қарши баҳс олдидан. Ушбу учрашув Тошкент вақти билан соат 18:00 да бошланади.
«Бавария» ва «ПСЖ» ўртасидаги жавоб учрашуви 6 май куни Мюнхенда бўлиб ўтади.
