Londonning «Arsenal» klubi sobiq hujumchisi Ian Rayt Viktor Dyokeresh joriy mavsumda o‘z vazifasini uddaladi deb hisoblaydi. Shvesiyalik futbolchi kam gol urayotganligi va «kanonirlar»ning jamoaviy o‘yiniga mos tushmayotganligi uchun tez-tez tanqid qilinadi, biroq Raytning fikricha, hujumchi undan talab qilingan natijaga erishgan.
«Men ko‘p yillar davomida bizga hujumchi kerakligini aytganman. Biz uni topdik, endi esa odamlar uni yetarlicha yaxshi emasligini aytishmoqda. Uning ko‘rsatkichlari hammasini aytib turibdi — u 21 ta gol urdi va o‘z ishini bajardi. U «Fulxem» darvozasini ikki bor ishg‘ol qildi — aynan shunday o‘yinlarda u jamoaga juda kerak. Ilgari «Arsenal»da bunday raqiblarga gol uradigan hech kim yo‘q edi — bu kabi bahslarda gollar qiyinchilik bilan qo‘lga kiritilardi. Dyokeresh bu muammoni hal qildi», — deya Raytning so‘zlarini keltirmoqda Arsenal Radar nashri.
Eslatib o‘tamiz, Viktor Dyokeresh o‘tgan yozda «Sporting»dan qariyb 67 million yevro evaziga London grandi safiga kelib qo‘shilgan edi.
