Angliya chempionatining navbatdagi turida «Manchester Yunayted» o‘z maydonida «Liverpul»ni 3:2 hisobida mag‘lub etdi.

Shu tariqa, «Manchester Yunayted» Angliya Premyer-ligasidagi o‘ziga xos seriyasini 140 ta o‘yinga yetkazdi. Mazkur seriyaga ko‘ra, jamoa ikki to‘p farqi bilan oldinda borgan bahslarida mag‘lubiyat nimaligini bilmay kelmoqda. Bunday uchrashuvlarning katta qismi, ya’ni 140 tadan 136 tasi g‘alaba bilan yakunlangan bo‘lsa, 4 tasida durang qayd etilgan. Oxirgi marta «Manchester Yunayted» bunday ustunlikka ega bo‘la turib, 2014 yilning sentyabrida «Lester»ga imkoniyatni boy bergan edi.