Англия чемпионатининг навбатдаги турида «Манчестер Юнайтед» ўз майдонида «Ливерпуль»ни 3:2 ҳисобида мағлуб этди.

Шу тариқа, «Манчестер Юнайтед» Англия Премьер-лигасидаги ўзига хос сериясини 140 та ўйинга етказди. Мазкур серияга кўра, жамоа икки тўп фарқи билан олдинда борган баҳсларида мағлубият нималигини билмай келмоқда. Бундай учрашувларнинг катта қисми, яъни 140 тадан 136 таси ғалаба билан якунланган бўлса, 4 тасида дуранг қайд этилган. Охирги марта «Манчестер Юнайтед» бундай устунликка эга бўла туриб, 2014 йилнинг сентябрида «Лестер»га имкониятни бой берган эди.