Madridning «Real» klubi hujumchisi Vinisius Junior La Liga doirasidagi «Espanyol»ga qarshi yakshanba kungi o‘yinning (2:0) haqiqiy qahramoniga aylandi. Braziliyalik futbolchi 55 va 66-daqiqalarda raqib darvozasini ishg‘ol qildi.
Mashhur statistik portal — SofaScore 25 yoshli futbolchining harakatlarini eng yuqori baho, ya’ni 10 ball bilan baholadi. Hujumchi nafaqat dubl qayd etdi, balki zarba uchun uzatma berish (3 ta) va o‘ziga nisbatan qoida buzish ishlatish (8 ta) bo‘yicha ham eng yaxshi natijani ko‘rsatdi. Shuningdek, u 14 ta yakkakurashning 10 tasida g‘olib chiqdi — bu ham o‘yindagi eng yuqori ko‘rsatkichdir.
SofaScore ma’lumotlariga ko‘ra, bu Vinisius uchun La Liga doirasida so‘nggi bir yarim yil ichida qo‘lga kiritilgan ilk ideal «o‘nlik»dir. Oxirgi marta u bunday natijaga 2024 yilning noyabr oyida, «Osasuna» bilan bahsda xet-trik qayd etganda erishgan edi.
