Мадриднинг «Реал» клуби ҳужумчиси Винисиус Жуниор Ла Лига доирасидаги «Эспаньол»га қарши якшанба кунги ўйиннинг (2:0) ҳақиқий қаҳрамонига айланди. Бразилиялик футболчи 55 ва 66-дақиқаларда рақиб дарвозасини ишғол қилди.
Машҳур статистик портал — SofaScore 25 ёшли футболчининг ҳаракатларини энг юқори баҳо, яъни 10 балл билан баҳолади. Ҳужумчи нафақат дубль қайд этди, балки зарба учун узатма бериш (3 та) ва ўзига нисбатан қоида бузиш ишлатиш (8 та) бўйича ҳам энг яхши натижани кўрсатди. Шунингдек, у 14 та яккакурашнинг 10 тасида ғолиб чиқди — бу ҳам ўйиндаги энг юқори кўрсаткичдир.
SofaScore маълумотларига кўра, бу Винисиус учун Ла Лига доирасида сўнгги бир ярим йил ичида қўлга киритилган илк идеал «ўнлик»дир. Охирги марта у бундай натижага 2024 йилнинг ноябрь ойида, «Осасуна» билан баҳсда хет-трик қайд этганда эришган эди.
