Madridning «Real» klubi sobiq futbolchisi Karim Benzema o‘z sobiq jamoadoshi Vinisius Juniorning muvaffaqiyatidan xursand bo‘ldi. Braziliyalik futbolchi La Liga doirasida yakshanba kuni bo‘lib o‘tgan «Espanyol»ga qarshi o‘yinda (2:0) dubl qayd etdi. Ushbu o‘yini uchun hujumchi uchrashuvning eng yaxshi futbolchisi sovriniga loyiq ko‘rildi.
25 yoshli futbolchining muvaffaqiyatini Benzema yuqori baholab, uning ijtimoiy tarmoqdagi posti ostida izoh qoldirdi: «Birinchi raqamli», — deb yozdi fransiyalik hujumchi.
Keyingi turda «Real» «Kamp Nou»da «Barselona»ga qarshi maydonga tushadi. Agar kataloniyaliklar «qaymoqranglilar»ga mag‘lub bo‘lishmasa, muddatidan avval chempionlikni qo‘lga kiritishadi. Ma’lumot uchun, Karim Benzema 2009 yildan 2023 yilgacha Madrid grandi sharafini himoya qilgan. Hozirda u Saudiya Arabistonining «Al-Hilol» jamoasida to‘p surmoqda.
