Milanning «Inter» klubi hujumchisi Lautaro Martines jamoaning chempionligini ta’minlagan «Parma» ustidan qozonilgan g‘alabadan (2:0) so‘ng intervyu berdi. «Neradzurrilar» mavsum yakunlanishiga uch tur qolganda A Seriya turnir jadvalida ikkinchi o‘rinda borayotgan «Napoli»dan 12 ochkoga o‘zib ketdi.
«O‘tgan mavsumning muvaffaqiyatsiz yakunidan so‘ng hammasini oq varoqdan boshlash oson bo‘lmadi. Boshida bizni favorit hisoblashmagandi, lekin yakunda tinimsiz mehnat evaziga o‘z maqsadimizga erishdik. Hozir juda baxtlimiz. Bu ligada raqobat juda kuchli, ammo biz oxirigacha diqqatimizni jamlay oldik. Meni hammasidan ko‘ra jamoamizning jipsligi ko‘proq hayratlantiradi va quvontiradi», — dedi Lautaro DAZN telekanaliga bergan intervyusida.
