Milanning «Inter» klubi prezidenti Juzeppe Marotta jamoaning A Seriyadagi chempionligidan so‘ng o‘z fikrlari bilan o‘rtoqlashdi. «Parma» ustidan qozonilgan g‘alaba (2:0) «neradzurri»ga chempionat yakuniga uch tur qolganda chempionlikni taqdim etdi.

«Klub prezidenti sifatidagi ilk skudetto o‘zgacha hissiyotlarni bermoqda. Bu — ushalgan orzu. Ushbu lavozimda chempionlikni qo‘lga kiritaman deb hech qachon o‘ylamagandim. Meni ruhlantirgan avvalgi rahbarlarga minnatdorchilik bildiraman. Shuningdek, bizning ajoyib muxlislarimizga, rahbariyatga va klub egalariga tashakkur aytaman. Bu skudetto Kivu va futbolchilarga tegishli. Umid qilamanki, murabbiy biz bilan uzoq yillar qoladi — unda barcha zarur fazilatlar mujassam», — dedi Marotta DAZN bilan suhbatda.

«Inter» ayni damda ta’qibchisi «Napoli»dan 12 ochkoga o‘zib ketgan.