Миланнинг «Интер» клуби президенти Жузеппе Маротта жамоанинг А Сериядаги чемпионлигидан сўнг ўз фикрлари билан ўртоқлашди. «Парма» устидан қозонилган ғалаба (2:0) «нерадзурри»га чемпионат якунига уч тур қолганда чемпионликни тақдим этди.

«Клуб президенти сифатидаги илк скудетто ўзгача ҳиссиётларни бермоқда. Бу — ушалган орзу. Ушбу лавозимда чемпионликни қўлга киритаман деб ҳеч қачон ўйламагандим. Мени руҳлантирган аввалги раҳбарларга миннатдорчилик билдираман. Шунингдек, бизнинг ажойиб мухлисларимизга, раҳбариятга ва клуб эгаларига ташаккур айтаман. Бу скудетто Киву ва футболчиларга тегишли. Умид қиламанки, мураббий биз билан узоқ йиллар қолади — унда барча зарур фазилатлар мужассам», — деди Маротта DAZN билан суҳбатда.

«Интер» айни дамда таъқибчиси «Наполи»дан 12 очкога ўзиб кетган.