Milanning «Inter» klubi bosh murabbiyi Kristian Kivu jamoaning A Seriyadagi muvaffaqiyati haqida to‘xtalib o‘tdi. 35-tur doirasida «Parma» ustidan qozonilgan g‘alaba (2:0) «neradzurrilar»ni ta’qibchilari uchun yetib bo‘lmas darajaga olib chiqdi.
«Asosiy xizmat klub, futbolchilar va muxlislarga tegishli. Men o‘z murabbiylar shtabim bilan birga jamoaga nima kerak bo‘lsa, shuni berish uchun bor kuchimni ishga soldim. Birgalikda ajoyib ishni amalga oshirdik. Men «Inter»da 19 yilni o‘tkazdim va bu g‘alaba men uchun hamma narsani anglatadi. Farzandlarim Milanda tug‘ilgan, men bu ajoyib shaharda qariyb 20 yildan beri yashab kelyapman va bu yerda baxtliman. Avvaliga menga «Inter» libosida o‘ynash va g‘olib bo‘lish sharafi nasib etgandi, keyin jamoa murabbiyi bo‘ldim, endi esa murabbiy sifatida ham g‘alaba qozondim!» — dedi Kivu Sky Sport nashriga bergan intervyusida.
Ruminiyalik mutaxassis o‘tgan yilning yozida Simone Indzagining o‘rniga bosh murabbiy etib tayinlangan edi.
